Durangoko KirolErrota gimnasioak proiektu berritzailea abiarazi du teknologia kirolaren mesedetan jartzeko. Hain zuzen ere, KirolErrotak eta Wellk enpresak lankidetza-akordioa sinatu berri dute kirolzaleen premiei IKT tresnak erabilita erantzuna emateko. Proiektu aitzindaria garatuko dute 15 hilabeteko epean.
Durangaldeko Mankomunitateak bizikletaren erabilera eta mugikortasun aktiboa sustatzeko erronka ezarri dio bere buruari. Bizikletaren eguneroko erabilera sendotzera zuzendutako proiektuetan eskualdeko ahalik eta erakunde eta eragile gehien inplikatzea da abian den estrategiaren asmoa, horrela ekintza horien irismena eta eragina handitzeko.
Mankomunitateak Cycle Friendly Employer ziurtagiria bere lurralde-esparruan zabaltzeko asmoa du. Ziurtagiri hori Txirrindularien Federazio Europarrak Europa mailan bultzatu duen proiektu baten barruan dago.
Baloia zelairatzearen unea da urduritasun gehien eragiten duena. Pilota joko-gunera sartzen den une erabakigarria bezalakorik ez dago. Lehenengo pedalkada aldapagora egiten da. Korrika hasi aurretitxeko luzamenduek zirrara (edo nagikeria) sorrarazten dute. Aurrekariak dira. Ondoren etorriko den entrenamenduaren, partidaren edo kirol-saioaren atariko. Erabakia hartzea eta urratsa ematea da zailena. Kirolaren gozamena dator gero.
